|
حهمید قهڵادزهیی
|
|
دووشەممە, 08 شوبات 2010 10:54 |
|
 دهشی مرۆڤ بههۆی بههێزی هزرو توانین و بهرخودهكانی زیاتر له ههموو ئاژهڵێك بیری تۆڵهسهندنهوهی ههبی، ئهمه لهكاتێكدایه بهپێی تێگهیشتن و ژینگه و پهروهرده و ئاستهجیاوازهكان مرۆڤ بیر له تۆڵه دهكاتهوه، دهشی زۆر جار بهخیشن وهكو گهورهترین تۆڵه كاریگهری ههبی، بهڵام پێدهچێت جارێكی تر گهلانی عیراق پێویستیان به راپهرینێكی تربی بهرامبهر شۆڤێنیهكان، بۆیه دهكری رووبهرووبوونهوهی خهڵكی شاری تلكێف بهرامبهر (ئهسیل نوجێفی) و بهرد بارانكردنی بهم شێوهیه، به دهسپێكی سهرههڵدانێكی تر ناوزهرد بكهین، رووبهروو بوونهوهی ئهو خهڵكه بهرامبهر پارێزگارێكی شۆڤێنی پێماندهڵی: هێشتا رۆحی بهرهنگاری له برهودایه، ئهوهی بۆته مایهی پێكهنین و به سهیر دهردهكهوی، ئهو ههڵوێسته دیماگۆگیانهی ئهمریكیهكانه، چۆن كهوتنه رژانی غازی فرمێسك رێژ و ههرهشه كردنیان لهو خهڵكهی رژایه سهر شهقامهكان، ئهمه ئاماژهیهكه بۆ تێگهیشتن لهو راستیهی كه ئهمریكا هێشتا بهدوای ئهو دیموكراسیهدا دهگهری، كه خهڵكی كوردستان رهتی دهكهنهوه، چونكه ئهگهر ئهمریكیهكان ئهجندایهكیان لهپشت پاراستنی ئهسیل نوجێفیهوه نهبی، پێویست بوو لهدوای ئهو ههڵوێسته دروستهی خهڵك نیشانیدا، ئهوان چهندین ئاماژهی پرسیارو سهرسورمانیان لهدوای پارێزگارو ئامانجهكانیهوه ریزكردبایه! نهك بكهونه داكۆكی كردن له كهسێك كه لهبهرچاوی خۆیان خهڵك نههی لی دهكات! بۆیه پێویست بوو ئهم ههڵوێسته جوامێرانهیهی خهڵكی تلكێف دهلیلی گهیشتنی ئهمریكییهكان بی به دروستبوونی قهناعهتێك كه لێرهوه بیر له ههڵه و كهموكورتیهكان بكهنهوه، بهداخهوه ههموو ئهمانه لهكاتێكدایه كه قهزای تلكێف یهكێكه لهو شارانهی كهوتۆته بازنهی ناوچه كێشهدارهكانهوه، لهههمان كاتدا تا ئێستاش ئهمریكیهكان تاكه هێزی باوهرپێكراویان لهشكری پێشمهرگهی كوردستانه، بهلام ئهوهتا زۆر نامهسئولانه رووبهرووی خهڵكی بهش مهینهت دهبنهوه، له بهرامبهریشدا هۆڤیهك لهژێر باڵی خۆیاندا دهپارێزن!
بۆیه پێدهچی ئهمه دیارترین زهنگی نیگهرانیهكانی دوای پرۆسهی ئازادی بێت، لهلای ههموو لایهكیشمان ئاشكرایه لهگهڵ زۆر بوونی كهف و كوڵی جهماوهر، زایهڵهی ئهو زهنگهش له برهودا دهبی و كۆتاییهكهشی به خرۆشان و چهپڵهرێزانه. hamedrasul@yahoo. com
ئهو بابهتانهی له کوردستان نێت دا بڵاودهکرێنهوه، بیروبۆچوونی خاوهنهکانیانه، کوردستان نێت لێی بهرپرسیار نییه.
|
