|
عهلی مهحموود محهمهد
|
|
سێ شەممە, 09 شوبات 2010 11:25 |
تهماته گۆشهیهکه عهل ی مهحمود دوو ههفته جارێک دهینوسێت - چین له ناوهڕاستی ساڵی 2008دا بڕی 32,540,040 تهن تهماتهی بهرههم هێناوه، بهمهش یهكهم وڵاته له جیهاندا له بهرههمهێنانی پێڵاوو تهماته، واته بۆ ههریهكهمان لهم جیهانه ساڵانه 5 كیلۆ تهماتهو 2 جووت پێڵاو بهرههم دههێنێت، جاران كڵاشینكۆفو كتێبی سوری ههنارده دهكرد، ئێستا تهماتهی گندۆرهییو پێڵاوی قهترانی، كو له پێشمهرگایهتی له كڵاشینكۆفی سهنگینی ژهنگاوی چینی بێزار بووین، ئێستا له لینگه پێڵاوو تهماتهی چینی بهرپرسان زارهترووك بووینه. له هۆڵهندا خۆشهویستترین پارتی سیاسی (ئێس پهی چهپگهرا)یه، كه ئهویش كۆنه ماوییه هێمای پارتهكهی لهجیاتی داسو چهكوشو تهماتهیه. دهڵێن ههم سووره، ههمیش نیشانهی ناڕهزایهتییه. لۆیه ههڵمانگرتییه، كهواته تهماته چهكی خهباتی ئاشتییانهی چینی كرێكارو ههژارانه له قۆناغی خهباتی سیاسی هێمنانه. ئهگهر له كوردستان توێكڵه شوتی گرهوی له تهماته بردهوه، ئهوا له ههندهران تهماته هێمای خهباتی ههژارانه، بۆیه نابێت كاكه مهلا بهختیار به تهماتهباران قهڵس بێتو لای سهیر بێت.
- بهڵگه "لهسهر ژوورهكهی مام رۆستهم نووسرابوو: مهكتهبی عهسكهریی كۆمپانیای وشه"، ههر باش بووه وهك كهركوك لایهكی دانهبڕیوهو نهینووسیوه گیراوه، كهچی ههر ئهم مامه رۆستهمه وهك له سبهی ئاماژهی پێدراوه، له شارۆچكهی پردێ لهكاتی روونكردنهوهی ستراتیژییهتی بهسزمانی بزوتنهوهی گۆڕاندا، وتی "مام رۆستهم ههڵسوڕاوی بزوتنهوهی گۆڕان، وتارێکی پێشکهش کرد، تیایدا ستراتیژی بزوتنهوهی گۆڕانی بۆ ئامادهبووان روونکردهوه، که بزوتنهوهیهکی دوور له چهکدارییهو ههڵقوڵاوی جهماوهره". ههر بژی مام رۆستهمو فهوجێ عهسكهر، جارێ مهكتهبی عهسكهریی دادهنێت، جارێ له ئەساسەوە ههڵیدهتهكێنێت!.
- خهندان "ههڵهبجه: له مانگێكدا 9 راوچی دهستگیر كراون"، راوچی فهقیر ئهگرن، وهلێ فڕۆكهوان ئازاد دهكهن. پیوك میدیا "www.pukmedia.com" گهرمیان.. لهمانگی رابردوودا 58 راوچی دهستگیر كراون"، له گهرمیانیش وهك دهبینین راوچی باڵنده دهگیرێت، وهلێ راوچی رۆڵهی كوردیش پاداشت كرێت. مژده بۆ كهسوكاری قوربانییان، خهبات بۆ سزادانی تاوانكارانی ههڵهبجهو ئهنفال، بهگرتنی راوچییهكانو رفاندنی سهباح عهلی قارهمان دهستیپێكرد!.
-چاودێر "دوای ئهوهی گفتوگۆیهكی دۆستانهیان لهگهڵ ههڤاڵ مهلا بهختیار ئهنجامدا، (50) كهسایهتی ناسراوو ههڵسوڕاوی گۆڕان- لهمهراسیمێكی تایبهتدا دهگهڕێنهوه ناو یهكێتی"، له ههنووكهوه با بۆ ههڵپهڕكێی ئهم زهواجه سیاسییه خۆمان ئاماده بكهین، زهواجی هاندهران گهرمتره، مهگهر سهدام له 1983 نهیووت: ئهوهی رۆژێك زووتر بگهڕێتهوه شهریفتره، ئهمانیش درهنگ فریاكهوتن رێگایان دوور بوو، ههر ئهوهنده فریا كهوتن، تا گهیشتن فلیمهكه كۆتایی هات.
-لڤین "د. بهرههم بودجهی مانگانهی یهكێتیو پارتی له 35 ملیۆنهوه دهكاته 2 ملیۆن دۆلار "ئاخ ئهگهر مانگانهی ئهو ههموو وهزیرو جێگرو بهڕێوهبهرو خهبیره نهخوێندهوارهشی ببڕیایه، ئهوجا به دوعاكهیمان یهكجاریی دهوت ئامین! دهترسم لهملا بیبڕێت، لهولا بهشێوهیهكی دیكه یهك یهك بهناوی خانهنشینیی بیانداتهوه!!.
-سبهی "هۆڵهندا: نوێنهری حیزبه عێراقییهكان داوای لابردنی بهڕێوهبهری ئۆفیسی هۆڵهندای ههڵبژاردنهكان دهكهن"، خوا لێم نەگرێت ئهو ناوانهی بڵاوتان كردونهتهوه جاران ههموو سافو سهربهخۆ بوون، ئێستا بوون به نوێنهری حیزبی عێراقی، بهس سبهی نهبن به نوێنهری گروپی پاكستانی؟. http://www.awene.com/Goshekan.aspx?Jimare=17
|
